هلأ هون بتبدأ الشطارة في طرد الملل: انك تبدأ تتقل دمك وتضل تسأل عن الشركة، عن الموظفين، وطبعا اهم شي عن المدير، كيف الاجازات متى بيخلص الدوام،الخ
طبعا بتظل تسأل لتحس اللي قبالك طهق
بس الادهى من هيك انك تكون حرك ونشيط وتثبت جدارتك من اول يوم وتثبت انك مؤهل للشغل عشان تمر اول 3 اشهر على خير كيف؟؟
انك تلزق بالموظفين وتسأل شو عم يعملوا وشو بيشتغلوا وتطلب انك تساعدهم
انا عملت كل هذا وبالأخر لقيت شغل وخلاني مشغولة لمدة يومين والحلو بالموضوع انه كان ضمن اختصاصي السابق
بس للأسف الفرحة ما تمت لاني مشردة ولهلأ نصف الموظفين مافي إلهم مكاتب لانه طبعا دائرتنا مستحدثة من قبل الشركة وكل الموظفين جدد........كله بيقوم التاني من مكانه على اساس بدو يشتغل شي مهم وكأنه الاول بيلعب مش بيشتغل
وهون بتبدأ لعبة القط والفار تعال الصبح بكير واحجز مكتب وكمبيوتر ولزق قد ماتقدر بس لا تحلم تظل طول النهار
يعني هل الصورة المبسطة توضح فكرة فيلم هي فوضى :((( ..........شغلي فوضى
طيب ممكن تحزروا وين بشتغل ؟؟
كنت كاتبتو بس فضلت امسحه
على كل حال باركولي
